– Allir líkamar eru tryggðir í umferðinni 

Líkamstjón sem rekja má til notkunar á bifreiðum er bótaskylt úr tryggingu bifreiðarinnar. Verkir í baki, hálsi og annars staðar í stoðkerfi eru einkenni sem algengt er að tjónþolar þjáist af eftir UMFERÐARSLYS. Réttur til bóta vegna slíkra einkenna er mjög ríkur samkvæmt íslenskum umferðarlögum. Ekki skiptir máli hvort tjónþoli var í rétti eða órétti þegar hann lenti í slysinu.

Sem dæmi má nefna að valdi ökumaður bifreiðar sjálfur slysi og slasast jafnframt, á hann bótarétt úr slysatryggingu ökumanns og eiganda. Þessi réttur er svo ríkur vegna hættueiginleika bifreiða og er útbreiddur misskilningur að fólk í órétti eigi ekki bótarétt vegna líkamstjóns í umferðinni.

Því skyldu tjónþolar, hvort sem um er að ræða ökumenn vélknúinna ökutækja, farþega, reiðhjólamenn eða gangandi vegfarenda, ekki hika við að leita álits á sínum rétti vegna slysa sem þeir verða fyrir í umferðinni.